به‌پێی هه‌واڵی کوردپرێس، په‌روین بوڵدان هاوسه‌رۆکی پارتی دیموکراتی گه‌لان (HDP) که سه‌ردانی جۆله‌مێرگی کردوووه له لێدوانێکدا ئاماژه به تێپه‌ڕاندنی سه‌رده‌مێکی زۆر دژوار له تورکیا ده‌کات و ڕای‌ده‌گه‌یێنێت: سه‌ره‌ڕای تێکڕای دژوارییه‌کان سه‌ردانی هه‌ر شوێنێک ده‌که‌ین به‌ره‌وڕووی خۆشی و خۆشحاڵیی خه‌ڵک ده‌بینه‌وه و ئه‌م خۆشحاڵییه له 31ی ئاداری 2019 له سندۆقه‌کانی ده‌نگداندا ده‌رده‌که‌وێت. هیچ گومانێکمان له‌مباره‌وه نییه چوونکه خه‌ڵکی ناوچه‌که ئاگاداری ئه‌و باجانه‌یه که داویه‌تی. ئه‌و شاره‌وانییانه‌ی که بۆیان قه‌یووم دیاری کراوه ده‌ناسن و ئه‌و په‌رله‌مانتارانه‌ش ده‌ناسن که بارمته گیراون. به هێز و وره‌یێکی به‌رزه‌وه به‌ره‌نگاری ئه‌و که‌سانه ده‌بینه‌وه که بۆ ئه‌م گه‌له هیچ شتێکیان له‌مپه‌رێکی زۆریان دروست کردوووه و له‌م پێناوه‌دا له 31ی مارچی 2019 و له‌سه‌ر سندوقی ده‌نگدان ده‌رسێکی عیبره‌ت به‌و که‌سانه ده‌ده‌ین که بۆ شاره‌وانییه‌کانی ئێمه قه‌یوومان ده‌ستنیشان کردوووه.
ناوبراو له درێژه‌ی لێدوانه‌کانیدا ڕه‌خنه‌ی له لێدوانی ئه‌مدواییه‌ی ڕه‌جه‌ب ته‌ییب ئه‌ردۆغان سه‌رۆک کۆماری تورکیا گرت و گوتیشی: "سووکایه‌تی به ئێمه وه‌ک ئه‌رکی سه‌ر شانی خۆیان ده‌زانن. ده‌ڵێین تورکیا به‌جێبێڵن. خۆیان به کوێخا ده‌زانن. گوایه ئێره گونده و هه‌وڵ ده‌ده‌ن ئێمه له گونده‌کانمان ده‌ربکه‌ن. ئه‌م وڵاته هی ئێمه‌یه. ئه‌م خاکه هی ئێمه‌یه، ئێمه له هه‌ر شوێنێکی ئه‌م وڵاته ڕیشه‌مان داکوتاوه."
سه‌رچاوه: ڕۆژنامه‌ی ئۆرنسه‌ل
کۆدی هه‌واڵنێر: 60103
Your Comment