به‌پێی هه‌واڵی کوردپرێس، ژماره‌یێک خۆبه‌خش و لایه‌نگری نه‌وه‌ی نوێ چوونه به‌رده‌م دادگای سلێمانی وه‌ک ناڕه‌زایییێک له به‌رامبه‌ر ده‌ستگیرکردنی شاسوار عه‌بدولواحید سه‌رۆکى جووڵانه‌وه‌ى نه‌وه‌ی نوێ که له ئه‌نجامدا 80 که‌سیان له‌لایه‌ن هێزه ئه‌منییه‌کانه‌وه ده‌ستگیر کران.
له نێو ده‌ستگیرکراوه‌کاندا دوو ئه‌ندامی ئه‌نجومه‌نى باڵای نه‌وه‌ى نوێ هه‌ن که بریتین له هه‌ریه‌ک له ئارام سه‌عید به‌رپرسی په‌یوه‌ندییه‌کانی جووڵانه‌وه‌ى نه‌وه‌ی نوێ و ڕێبوار ئه‌وڕه‌حمان به‌رپرسی میدیاییی جووڵانه‌وه‌که و هه‌روه‌ها هه‌ورامان سه‌جادی به‌رپرسی ئۆفیسی گه‌نجانی نه‌وه‌ی نوێش ده‌ستگیر کراوه.
ئه‌مه‌ش له دواى ئه‌وه دێت ڕۆژی یه‌کشه‌ممه 3ی ئاداری 2019 له دوای ده‌رچوونى فه‌رمانی ده‌ستگیرکردن بۆ شاسوار عه‌بدولواحید، ناوبراو چووه دادگای سلێمانی و وته‌کانی پێشکه‌شی دادوه‌ر کرد و دواتریش له‌لایه‌ن دادگاوه بڕیاری ده‌ستگیرکردن و مانه‌وه‌ی بۆ ده‌رکرا و ئه‌مه‌ش ناڕه‌زاییی خۆبه‌خشانی نه‌وه‌ى نوێ و چه‌ند لایه‌نێکى سیاسی لێکه‌وته‌وه و هه‌ندێک که‌سایه‌تی ئه‌و بڕیاره‌ی دادگه‌یان به بڕیارێکی سیاسی و کاردانه‌وه به ڕه‌خنه‌گرتنی ناوبراو له سه‌روه‌ریی هه‌رێمی کوردستان و دوو حیزبی یه‌کێتی و پارتی وه‌سف کرد.
کۆدی هه‌واڵنێر: 60103
Your Comment