به‌پێی هه‌واڵی کوردپرێس، ڤیلیام ڕۆبک نوێنه‌ری هاوپه‌یمانێتیی نێوده‌وڵه‌تیی دژی داعش و ئه‌ندامی وه‌زاره‌تی ده‌ره‌وه‌ی ئه‌مریکا و شاندی یاوه‌ری له عه‌ین عیسا له‌گه‌ڵ ئیلهام ئه‌حمه‌د هاوسه‌رۆکی ئه‌نجومه‌نی سووریای دیموکرات و ئه‌ندامانی ئه‌و ئه‌نجومه‌نه دیدار و گفتوگۆیان کرد.
به دوای ئه‌و کۆبوونه‌وه ئه‌نجومه‌نی سووریای دیموکرات له به‌یاننامه‌یێکدا باسی له‌وه کرد که له دیداره‌که‌دا گۆڕانکارییه سیاسی و سه‌ربازییه‌کانی ئه‌مدواییه‌ی سووریا، ئۆپه‌راسیۆن بۆ سه‌ر کۆتامۆڵگه‌ی داعش و قۆناغه‌کانی پاش له‌ناوچوونی داعش خرایه به‌ر باس و لێکدانه‌وه.
له به‌یاننامه‌که‌دا ئاماژه به‌وه‌ش کراوه که ئه‌نجومه‌نی سووریای دیموکرات په‌رۆشی خۆی ده‌ربڕیوه له گریمانه‌ی سه‌رهه‌ڵدانه‌وه‌ی دووباره‌ی داعش له سووریا، هه‌ڕه‌شه‌ی تورکیا بۆ سه‌ر باکووری سووریا و پشتیوانیی هاوپه‌یمانیی نێوده‌وڵه‌تی له هێزی سووریای دیموکرات.
سه‌رچاوه: ڕۆژنامه‌ی ینی یاشام
کۆدی هه‌واڵنێر: 60103
Your Comment