کوردپرێس:

به‌پێی ئه‌و زانیارییانه‌ی له‌ وه‌زاره‌تی به‌رگریی تورکیاوه‌ ده‌ست که‌وتوون، ئه‌مڕۆ پێنجشه‌ممه‌ 21ی شوباتی 2019 خلووسی ئاکار وه‌زیری به‌رگریی تورکیا به‌ سه‌رۆکایه‌تیی شاندێک که‌ سه‌رۆکی ئه‌رکانی سوپای تورکیا جه‌نه‌راڵ یاشار گوله‌ر و ژماره‌یێک له‌ به‌رپرسانی سه‌ربازی و حکوومیشی تێدا ده‌بێ به‌ مه‌به‌ستی دیدار له‌گه‌ڵ پاتریک شاناهان بریکاری وه‌زاره‌تی به‌رگریی ئه‌مریکا سه‌ردانی واشنتۆن ده‌که‌ن.

له ‌دیداره‌كانی وه‌زیری به‌رگریی توركیا له‌گه‌ڵ بریكاری وه‌زیری به‌رگریی ئه‌مریكا دواپێشهاته‌كانی سووریا و ناوچه‌که‌، کشانه‌وه‌ی هێزه‌کانی ئه‌مریکا له‌ سووریا و دامه‌زراندنی ناوچه‌ی ئارام و په‌یوه‌ندییه‌ دوو لایه‌نه‌کانی نێوان ئه‌نقه‌ره‌- واشنتۆن تاوتوێ ده‌كرێت.

شایانی باسه‌؛ هه‌فته‌ی ڕابردوو خلووسی ئاکار له‌ په‌راوێزی کۆنفڕانسی ئاسایشی میونشن له‌گه‌ڵ وه‌زاره‌تی به‌رگریی ئه‌مریکا به‌وه‌کاله‌ت دیداری کردبوو.

سه‌رچاوه‌: ته‌له‌فزیۆنی NTV

کۆدی هه‌واڵنێر: 60103