به‌پێی هه‌واڵی کوردپرێس، سالار مه‌حموود به‌ خه‌ندانی ڕاگه‌یاند: له ‌میانه‌ی سه‌ردانه‌که‌یدا بۆ تاران سه‌رۆک کۆماری عێراق له‌گه‌ڵ سه‌رۆک کۆماری ئێران باسی له‌ چاره‌نووسی منداڵه‌ ونبوووه‌کانی هه‌ڵه‌بجه‌ کردوووه‌.

ناوبراو ئاماژه‌ی به‌وه‌ش دا: بۆ ئه‌م مه‌به‌سته‌ لیژنه‌یێک دروست ده‌کرێت و ڕه‌وانه‌ی ئێران ده‌کرێت بۆ گه‌ڕان و به‌دواداچوون بۆ دۆزینه‌وه‌ی چاره‌نووسی ونبوووه‌کان.

سالار مه‌حموود وتیشی: ئه‌م بابه‌ته‌ به‌شێکه‌ له‌ ژان و ناسنامه‌ی گه‌له‌که‌مان و کۆن نابێ و به‌شێکه‌ له‌ پرسی جینۆسایدی گه‌لی کورد و د. به‌رهه‌م ساڵح سه‌رۆک کۆماری عێراق به‌بایه‌خه‌وه‌ تیمی ڕاسپاردوووه‌ کار له‌سه‌ر ئه‌و دۆسیه‌یه‌ بکرێت.

له ‌کاتی کیمیابارانی هه‌ڵه‌بجه‌ له‌لایه‌ن ڕژێمی به‌عسه‌وه‌ له‌ ساڵی 1988 به‌ سه‌دان منداڵ له‌ کاتی ئاواره‌بوونی خێزانه‌کانیاندا له‌ ئێران ون بوون.

کۆدی هه‌واڵنێر: 60103