به‌پێی هه‌واڵی کوردپرێس، له نمایشێکدا که هه‌زاران خوێندکار و مامۆستا ئاڵای کوه‌یتیان هه‌ڵگرتبوو وه‌ک درێژترین ئاڵا ناوی چوووه کتێبی گینسه‌وه بۆ ژماره پێوانه‌ییه‌کان که به درێژترین ئاڵا له جیهاندا ناوی تۆمار کراوه.
حامد عازمی وه‌زیری په‌روه‌رده و خوێندنی باڵای کوه‌یت ئاشکرای کرد که ئه‌م کاره کوه‌یت به گه‌وره‌یی ده‌هێڵێته‌وه و ده‌ستکه‌وتێکی مه‌زنه بۆ نیشتمان.
قسه‌کانی عازمی له فیستیڤاڵی نمایش کردنی ئاڵاکه له نێوان چوار هه‌زار خوێندکار و مامۆستادا بوووه که له‌و ڕۆژه‌دا کوه‌یت ئاهه‌نگی نیشتمانی گێڕاوه.
له 58ه‌مین ساڵڕۆژی سه‌ربه‌خۆیی و ئاهه‌نگی 28 ساڵه‌ی ئازادی کوه‌یت و یادی 13 ساڵه‌ی حوکمڕانی پاشای کوه‌یت به هه‌زاران خوێندکار و مامۆستا ئاڵای وڵاته‌که‌یان هه‌ڵگرتبوو که درێژییه‌که‌ی نزیکه‌ی 2019 مه‌تر بوو و ئه‌و نمایشه‌ش به به‌شداریی به‌رپرسانی حکومی و به هاوکاریی وه‌زاره‌تی په‌روه‌رده‌ی کوه‌یت به‌ڕێوه چوو .
سه‌رچاوه: ئاژانسی کونا
کۆدی هه‌واڵنێر: 60103
Your Comment