به‌پێی هه‌واڵی کوردپرێس، فه‌رمانگه‌ی كاروباری مین له ڕێكخراوی نه‌ته‌وه یه‌كگرتوووه‌كان له عێراق له ڕاگه‌یێندراوێكدا ئاماژه به‌وه ده‌کات که حکوومه‌تی سوید 8 ملیۆن و 300 هه‌زار دۆلاری وه‌ک هاوکاری پێشکه‌ش به‌و وڵاته کردوووه بۆ پاککردنه‌وه‌ی ناوچه ڕزگاربوووه‌کان له مین و ده‌ڵێت: "له‌گه‌ڵ ئه‌و هاوكارییه پێشكه‌شكراوه‌ی حكوومه‌تی سوید ده‌توانن له داهاتوودا پشتیوانییێكی باشتر پێشكه‌ش به كۆمه‌ڵگه‌كان بكه‌ن و به شێوه‌یێكی فراوانتر و به هاوكاری له‌گه‌ڵ لایه‌نه په‌یوندیداره‌كانی حكوومه‌تی عێراق، هاووڵاتییانی ئه‌و ناوچانه له مه‌ترسیی مین و ته‌قه‌مه‌نییه‌كان هۆشیار بكه‌نه‌وه."
نێرده‌ی نه‌ته‌وه یه‌كگرتوووه‌كان له عێراق ده‌شڵێت: به‌شێكی ئاواره‌كان به‌هۆی مه‌ترسییه‌كانی مین و ته‌قه‌مه‌نییه‌كانه‌وه نه‌یانتوانیوه بگه‌ڕێنه‌وه بۆ ناوچه‌كانیان و له داهاتووشدا به هه‌ماهه‌نگی له‌گه‌ڵ حكوومه‌تی عێراق هه‌وڵی نه‌هێشتنی ئه‌و كۆسپانه ده‌ده‌ن له به‌رده‌م گه‌ڕانه‌وه‌ی ئاواره‌كان.
سه‌رچاوه: خه‌ڵک
کۆدی هه‌واڵنێر: 60103
Your Comment