کوردپرێس:

مەحموود محەمەد وتەبێژی پارتی لە کۆنفرانسێکى رۆژنامەنووسیدا لە یەکێک لە دەزگاکانی حزبەکەیدا ڕایگەیاند، رۆژی ١٨ شوباتی٢٠١٩ پەرلەمانی کوردستان کۆ دەبێتەوە و دەستەی سەرۆکایەتی هەڵدەبژێردرێت.

باسی لەوەش کردووە، دوای هەڵبژاردنی دەستەی سەرۆکایەتیی پەرلەمان، دواتر هەنگاو بۆ بابەتی سەرۆکی هەرێم دەنرێت و پاشان سەرۆکی حکوومەت ڕادەسپێردرێت.

هاوکات هەر ئەمڕۆ مەحمود محەمەد ئەوەشی وت، لیژنەی ھاوبەشی نوسینی رێککەوتنی سیاسی نێوان یەکێتى و پارتی راسپێردراوە، کە لەچوارچێوەی دیدگای ھەردوو لایەن، ھەرچی زووترە پرۆژەیێک ئامادە بکرێت و لەلایەن ھەردوو مەکتەبی سیاسیی پارتی و یەکێتیەوە بڕیاری لێبدرێت و واژۆ بکرێت.

ئەمرۆ ٥ی شوباتی ٢٠١٩ دواى چەندین جار دواخستن، یەکێتى و پارتى کۆ بوونەوە و هەردوولا ڕێککەوتوون لەسەرئەوەى ڕۆژى ١٨ى ئەم مانگە پەرلەمانى کوردستان و ئەنجومەنى پارێزگاى کەرکووک لە هەمان ڕۆژدا کۆ ببنەوە.