کوردپرێس:
مووسا بەهاری فەرماندەی پۆلیسی بیجاڕ لە لێدوانێکدا ڕایگەیاند پۆلیس لە هەڵمەتێکی هەواڵگریدا بە هەماهەنگیی دەزگای هەواڵگری ئاگادار کرایەوە کە ئوتۆمبێلێک لە میحوەری بیجاڕە بۆ دیواندەرەدا هەڵگری مادەی هۆشبەرە و هەر بەو بۆنەیەشەوە پۆلیسی بیجاڕ لە هەڵمەتێکی لەناکاودا دەستی بەسەر ئوتۆمبێلەکەدا گرت.
ناوبراو زیادی کرد: پاش پشکنینی ئوتۆمبێلەکە 37 کیلۆ مادەی هۆشبەری تلیاک دۆزرایەوە کە بە فێڵ لە دەرکەی دواوەوەی ئوتۆمبێلەکەدا قایم کرابوو.
فەرماندەی پۆلیسی بیجاڕ گۆتیشی لەو هەڵمەتەدا دوو قاچاخچیی مادەی هۆشبەر دەستبەسەر کران و پاش ئەوەی دۆسیەیان بۆ تۆمار کرا ڕەوانەی دادگا کران.
Your Comment