به‌پێی هه‌واڵی کوردپرێس، ئه‌مڕۆ سێشه‌ممه 5ی 2ی2019 له سه‌لاحه‌ددین مه‌سعود بارزانی پێشوازی له شاندێكی حكوومه‌تی ئاڵمانیا كرد كه پێكهاتبوو له سریل ناون باڵیۆزی ئاڵمانیا له عێراق و باربارا وۆلف كونسووڵی ئه‌ڵمانیا له هه‌ولێر.
له دیداره‌كه‌دا باڵیۆزی ئاڵمانیا له عێراق هێمای به په‌یوه‌ندییه‌كانی نێوان وڵاته‌كه‌ی و عێراق و كوردستان دا و ئه‌وه‌یشی خسته‌ڕوو كه ئه‌ڵمانیا له بواری یارمه‌تیی مرۆیی و گه‌ڕاندنه‌وه‌ی سه‌قامگیری له عێراقدا كار ده‌كات، هه‌روه‌ها وێڕای ئاماژه‌دان به پێگه‌ی هه‌رێمی كوردستان و مه‌سعوود بارزانی بۆ وڵاته‌كه‌ی ئه‌وه‌ی خسته‌ڕوو كه مه‌سعوود بارزانی بۆ هه‌موو گه‌لی كورد له ناوچه‌ی ڕۆژهه‌ڵاتی ناوه‌ڕاستدا جێگه‌ی ئومێدێكی زۆره.
هه‌ر له‌و كۆبوونه‌وه‌یه‌دا بارودۆخی سیاسیی عێراق و ناوچه‌كه و په‌یوه‌ندییه‌كانی نێوان هه‌رێم و به‌غدا تاوتوێ كرا و هه‌روه‌ها ڕۆشنایی خرایه سه‌ر دوایین پێشهاته‌كان و مه‌ترسییه‌كانی تیرۆر و توندڕۆیی له‌سه‌ر ئاسایشی عێراق و ناوچه‌كه.
له به‌شێكی دیكه‌ی ئه‌و كۆبوونه‌وه‌یه‌دا بیروڕا له‌باره‌ی بارودۆخی سووریا و ئایینده‌ی كورد له‌و وڵاته ئاڵوگۆڕ كرا و مه‌سعوود بارزانی نیگه‌رانیی خۆی له‌مه‌ڕ ئایینده‌ی گه‌لی كورد له سووریا به شاندی ئه‌ڵمانی ڕاگه‌یاند.
په‌یوه‌ست به په‌یوه‌ندییه‌كانی نێوان هه‌ولێر و به‌غدا مه‌سعوود بارزانی وێڕای ئاماژه‌دان به‌و كه‌شه ئیجابییه‌ی كه له نێوان هه‌ردوولا هاتوووه‌ته ئاراوه جه‌ختی له ڕێكاری سیاسی و ئاشتیانه و دیالۆگ كرده‌وه له چاره‌سه‌ركردنی په‌یوه‌ندییه‌كانی هه‌رێم و به‌غدا.
کۆدی هه‌واڵنێر: 60103
Your Comment