به‌پێی هه‌واڵی کوردپرێس، سه‌رۆکایه‌تیی کۆماری عێراق له ڕاگه‌یێندراوێکدا ئاماژه‌ی به‌وه کرد: "ئه‌مڕۆ دووشه‌ممه 4ی شوباتی 2019 میخائیل به‌گدانۆڤ و وه‌فدی یاوه‌ری گه‌یشتنه عێراق و د. به‌رهه‌م ساڵح له كۆشكی سه‌لام له به‌غداد پێشوازی كرد له نێردراوی تایبه‌تی سه‌رۆكی ڕووسیا بۆ خۆرهه‌ڵاتی ناوه‌ڕاست و باكووری ئه‌فریقا و جێگری وه‌زیری ده‌ره‌وه و وه‌فدی هاوڕێی."
هه‌ر له ڕاگه‌یه‌ندراوه‌كه‌دا هاتوووه: "له‌و دیداره‌دا وێرای باس كردنی پێویستی په‌ره‌پێدانی په‌یوه‌ندیی سیاسیی نێوان عێراق و ڕووسیا، سه‌رۆک كۆمار ته‌ئكیدی له خستنه‌گه‌ڕی هه‌وڵه ناوچه‌یی و نێوده‌وڵه‌تییه‌كان كرد بۆ چه‌سپاندنی سه‌قامگیری و ئارامی زیاتر له ناوچه‌كه‌دا و هه‌روه‌ها ئاماژه‌ی به ڕۆڵی ڕووسیا كرد له جه‌نگی دژ به تیرۆردا."
هه‌ر له دیداره‌كه‌دا به‌رهه‌م ساڵح ئاماژه‌ی به‌وه كرد كه عێراق خوازیاری فراوانكردنی په‌یوه‌ندی و هه‌ماهه‌نگییه له بواره‌كانی سیاسی و ئابووری و وه‌به‌رهێناندا و به بایه‌خیشه‌وه باسی له‌و په‌یوه‌ندییانه كرد كه هه‌ر دوو وڵات به‌یه‌كه‌وه ده‌به‌ستێته‌وه.
له كۆتاییی ڕاگه‌یه‌ندراوه‌كه‌دا هاتوووه: "میخائیل به‌گدانۆڤ سڵاوی سه‌رۆكی ڕووسیای گه‌یانده به‌رهه‌م ساڵح و پشتیوانی و ویستی ڕووسیای بۆ عێراق دووپات كرده‌وه له په‌ره‌پێدانی په‌یوه‌ندییه‌كانی له‌گه‌ڵ عێراق له زۆربه‌ی بواره‌كاندا."
هه‌ر له‌و دیداره‌دا باس له دوایین بارودۆخ و گۆڕانكارییه‌كانی ناوچه‌كه و جیهان كرا.
کۆدی هه‌واڵنێر: 60103
Your Comment