به‌پێی هه‌واڵی کوردپرێس، هه‌فته‌ی ڕابردوو دان کۆتس سه‌رۆکی ده‌زگای هه‌واڵگریی نیشتیمانیی ئه‌مه‌ریکا ڕاپۆرتێکی ئاراسته‌ی کۆمیته‌ی هه‌واڵگریی کۆنگرێس کرد له‌باره‌ی هه‌ڕه‌شه‌ی به‌رده‌م ئه‌مریکا له‌ ئه‌مساڵدا و ڕاوبۆچوونی خۆی له‌باره‌ی هه‌ڵوێستی وڵاتانی تورکیا و سووریا هه‌مبه‌ر کورده‌کان ده‌ربڕی.

ناوبراو له‌باره‌ی تورکیاوه‌ ڕای‌گه‌یاند: ئه‌نقه‌ره‌ هێشتاکه‌ پارتی کرێکارانی کوردستان و حیزبه‌کانی سه‌ر به‌و حیزبه‌ به‌ گرینگترین هه‌ڕه‌شه‌ بۆ سه‌ر خۆی ده‌زانێت.

دان کۆتس ئاماژه‌ به‌ ته‌نگه‌ژه‌کانی دوو ساڵی ڕابردووی نێوان تورکیا و ئه‌مریکا له‌سه‌ر هه‌ندێک بابه‌ت له‌وان پشتیوانیی ئه‌مریکا له‌ کوردی سووریا ده‌کات و هۆشداری ده‌دات که‌ په‌یوه‌ندییه‌کانی نێوان ئه‌نقه‌ره‌ و واشنتۆن له‌ 5 ساڵی داهاتوودا به‌ره‌وڕوو کێشه‌ ببێته‌وه‌.

سه‌رۆکی ده‌زگای هه‌واڵگریی نیشتیمانیی ئه‌مه‌ریکا له‌باره‌ی ڕوانگه‌ی ده‌وڵه‌تی سووریا هه‌مبه‌ر کوردی ئه‌و وڵاته‌ گوتیشی: دیمه‌شق به‌نیازه‌ له‌گه‌ڵ کورد ڕێکبکه‌وێت و نفووزی تورکیا له‌و وڵاته‌ که‌م بکاته‌وه‌.

سه‌رچاوه‌: ماڵپه‌ڕی ده‌زگای هه‌واڵگریی نیشتیمانیی ئه‌مریکا

کۆدی هه‌واڵنێر: 60103