کوردپرێس:
سەرەڕای ئەوەی دژبەری ترەمپ بۆ پڕۆسەی کشانەوەی هێزە ئەمریکییەکان لە سووریا زۆرن بەڵام دۆناڵد ترەمپی سەرۆکی ئەمریکا دووپاتی کردۆتەوە کە ئەمریکا لە سووریا و ئەفغانستان باجی قورسی بۆ شەڕی دژبە تیرۆر داوە و دەبێت لەو دوو وڵاتە بکشێتەوە.
چ کورد سووریا و چ بەرپرسانی ئەمریکاش دژاەتیی خۆیان بەرانبەر بە بڕیاری کشانەوەی 2200 هێزی ئەمریکی لە سووریا ڕاگەیاندووە. هەر لەم دواییەشدا ئەنجومەنی پیرانی ئەمریکا پشتگیریی خۆیی بۆ مانەوەی هێزە ئەمریکییەکان لە سووریا ڕاگەیاندبوو. بەڵام دۆناڵد ترەمپ ئەمڕۆ لە پەیجی تایبەتی خۆی لە تۆڕی کۆمەڵایەتیی تویتەر ئیدعای کرد کە میراتی شەڕێکی درێژخایەن و باج قورسی سووریا و ئەفغانستانی پێگەیشتووە.
ترەمپ هەروەهاش وتوویەتی: ئەو کاتەی من هاتمە سەر کار سووریا لە داعش شەپۆلی دەدا. ئێمە زووبەزوو خەلافەتی داعش تێکدەشکێنین و بە وردی چاودێریی ئەو بابەتە دەکەین.
کۆدی هەواڵنێر: 60101
Your Comment