بەپێی هەواڵی کوردپرێس، لەسەر راسپاردەی سەرۆکایەتی داواکاری گشتیی کۆماریی لە ئەنقەرە، به‌یانیی ئەمڕۆ هەینی، لە چوارچێوەی لێکۆڵینەوە لە کەیسی بزووتنەوەی خزمەت و پێکهاتەی دەوڵەتی هاوتەریب بە رابەرایەتیی فەتحوڵڵا گولەن، بڕیاری دەستگیرکردن بۆ 3 عەمید، 2 عەقید، 4 رائید، 5 ملازمی یەکەم لە هێزەکانی ئاسمانی سوپای تورکیا لە ئەنقەرە دەرکرا، کە 11 لەم ئەفسەرانە فڕۆکەوانن.

لەمبارەیەوە، تیمەکانی دژەتیرۆر سەر بە بەڕێوەبەرایەتی گشتیی ئاسایش، بۆ دەستگیرکردنی داواکراوەکان، ئۆپەراسیۆنیان دەستپێکرد.

لەماوەی دوو ساڵی باری نائاساییدا، بەهۆی بڕیارنامەکانەوە 62 ژەنەراڵ و دووهەزار و 263 ئەفسەری پلەی جیاواز بەتۆمەتی کوودەتا زیندانی کراون و چواردە هەزار و 633 کارمەندی سوپاش لەکارەکانیان دوورخراونەتەوە.

کۆدی هەواڵنێر: 60113