به‌پێی هه‌واڵی کوردپریس، حه‌سه‌ن جیهان وته‌بێژی سه‌رۆکایه‌تیی کۆماری عێراق گوتی: ئه‌مڕۆ چوارشه‌ممه 30ی کانوونی دووهه‌می 2019‌ به‌ سه‌ردانێکی فه‌رمی فلیپی شه‌شه‌م پادشای ئیسپانیا گه‌یشته‌ به‌غدای پایته‌ختی عێراق.

ناوبراو گوتیشی: شا فلیپ له‌ سه‌ردانه‌که‌یدا بۆ به‌غدا جلی سه‌ربازی وڵاته‌که‌ی پۆشیوه‌ و له‌گه‌ڵ سه‌ربازانی وڵاته‌که‌ی و هه‌روه‌ها فه‌رمانده‌کانی هێزه‌کانی ناتۆ و هاوپه‌یمانیی نێوده‌وڵه‌تیی دژ به‌ داعش کۆ بوووه‌ته‌وه‌ که‌ له‌م سه‌ردانه‌دا مارگرێتا ڕۆبلێس وه‌زیری به‌رگریی ئیسپانیا یاوه‌ری کردوووه‌.

حه‌سه‌ن جیهان زیادی کرد: پادشای ئیسپانیا له‌ کۆشکی سه‌رۆکایه‌تیی کۆمار له‌لایه‌ن د. به‌رهه‌م ساڵح سه‌رۆک کۆماری عێراقه‌وه‌ پێشوازی لێکرا و دواتر به‌ره‌و ژووری کۆبوونه‌وه‌ به‌ڕێکه‌وتن.

سه‌ردانه‌که‌ی فلیپی شه‌شه‌م پادشای ئیسپانیا بۆ عێراق یه‌که‌م سه‌ردانی پادشای ئیسپانیایه‌ له‌ ماوه‌ی 40 ساڵی ڕابردوودا.

کۆدی هه‌واڵنێر: 60103