کوردپرێس:
ناسر هەرکی، ئەندامی لیژنەی ئاسایش و بەرگریی ئەنجومەنی نوێنەرانی عێراق، بە ماڵپەڕی فەرمیی پارتی دیموکراتی کوردستانی ڕاگەیاند: "عێراق لە دۆخێکی ئاسایشیی باشدا نییە، داعش لە ڕووی سەربازییەوە ماوە و لە ڕووی هزرییشەوە زۆر بەربڵاوە. پێویستە سنوورەکانی عێراق تۆکمە بکرێنەوە و ڕێگە لە هاتن و چوونی تیرۆریستان بگیرێت. ئاخر داعش لە ڕێگای جەزیرەوە، لە سوریاوە داخڵی عێراق دەبێت و لەوێشەوە بۆ ناوچەی موسڵ و، پاشان قەرەچۆغ و حەویجە و حەمرین و چەندین شوێنی تر. ڕێڕەوێک دروست بووە کە داعش بە ئاسانی جموجووڵی خۆی تێدا دەکات."
ناسر هەرکی ئاشکرایشی کرد: حکوومەتی عێراق گەیشتووەتە ئەو قەناعەتەی کە ناتوانێت بەبێ هێزی پێشمەرگە ناوچە کێشەلەسەرەکان بپارێزێت و دەستی تیرۆر بنەبڕ بکات. لە ڕووی سەربازیشەوە پێویستمان بە ئاشتبوونەوەیێکی پێکهاتەیی لە عێراقدا هەیە.
کۆدی هەواڵنێر: 60101
Your Comment