به‌پێی هه‌واڵی کوردپرێس، دوو وڵاتی فه‌ڕه‌نسا و ئه‌ڵمانیا ده‌یانه‌وێت له 10 شاری جیهان له‌وان هه‌ولێر پایته‌ختی هه‌رێمی کوردستان سه‌نته‌ری کولتووریی هاوبه‌ش بکه‌نه‌وه.
ئه‌و دوو وڵاته پاش واژۆکردنی په‌یماننامه‌ی ناسراو به په‌یماننامه‌ی ئاخن که له‌سه‌ر دۆستایه‌تیی نێوان ئه‌ڵمانیا و فه‌ڕه‌نسا واژۆ کراوه، ده‌یانه‌وێت تاکوو ساڵی 2020 له 10 شاری جیهان سه‌نته‌ری هاوبه‌شی کولتووری بکه‌نه‌وه که یه‌کێک له‌و سه‌نته‌رانه له هه‌ولێر ده‌بێت.
وه‌زاره‌تی ده‌ره‌وه‌ی ئه‌ڵمانیا له به‌یاننامه‌یێکدا ڕای‌گه‌یاندوووه که به‌ڕێوه‌به‌ری سه‌نته‌ره‌کان له‌لایه‌ن هه‌ر دوو په‌یمانگای کولتووریی ئه‌ڵمانی و فه‌ڕه‌نسییه‌وه دیاری ده‌کرێن و کارمه‌ندانی سه‌نته‌ره‌کانیش به دوو زمانی جیاواز قسه ده‌که‌ن.
سه‌رچاوه: ڕۆژنامه‌ی نێوده‌وڵه‌تیی ئارت (هونه‌ر)
کۆدی هه‌واڵنێر: 60103
Your Comment