به‌پێی هه‌واڵی کوردپرێس، عه‌لی باپیر ئه‌میرى کۆمه‌ڵى ئیسلامى له‌ لێدوانێکی ڕۆژنامه‌نووسیدا ڕایگه‌یاندوووه:‌ "تا ئێستا نه‌یانوتوووه‌ به‌شدار ده‌بین یان نابین له‌ کابینه‌ى نوێی حکوومه‌تدا و تاوه‌کوو پارتى داوایان لێ نه‌کات خۆیان یه‌کلایی ناکه‌نه‌وه‌".

عه‌لی باپیر ئاماژه‌ی به‌وه ‌داوه‌: "بۆ به‌شداری کردن له‌ حکوومه‌ت پێویسته‌ به‌رنامه‌ى حکوومه‌ته‌که‌ و چۆنییه‌تیی پێگه‌ى کۆمه‌ڵ له‌ حکوومه‌تى نوێ بزانن و دواتر کۆبوونه‌وه‌یێکى گشتى ده‌که‌ن و له‌وێدا بڕیارێکى یه‌کلاکه‌ره‌وه‌ ده‌ده‌ن".

ئه‌میری کۆمه‌ڵی ئیسلامی ئه‌وه‌شی وتوووه‌: "له‌ ئێستادا تۆپه‌که‌ لای یه‌کێتى و پارتییه‌ که‌ هه‌رچی زوووه‌ کابینه‌ى نوێی حکوومه‌ت پێکبهێنن".

ئه‌وه‌ش له‌ کاتێکدایه‌ تا ئێستا کۆمه‌ڵى ئیسلامى پرسی به‌شداری کردن له‌ کابینه‌ى نوێی حکوومه‌تى هه‌رێمی یه‌کلایی نه‌کردوووه‌ته‌وه‌ و هه‌روه‌ها یه‌کگرتوو و بزووتنه‌وه‌ی ئیسلامی و نه‌وه‌ی نوێ ئۆپۆزسیۆن بوونیان ڕاگه‌یاندوووه‌ و هه‌روه‌ها پارتی و یه‌کێتی و گۆڕان و لایه‌نه‌ تورکمانی و مه‌سیحییه‌کان به‌ ته‌واوی به‌شداری کردنی خۆیانیان له‌ کابینه‌ی نۆیه‌می حکوومه‌تی هه‌رێم ڕاگه‌یاند.

سه‌رچاوه‌: میدیاکانی هه‌رێمی کوردستان

کۆدی هه‌واڵنێر: 60103