بەپێی هەواڵی کوردپرێس، کاڵن وەڵامی ئەو وتارەی مەکگورک-ی دایەوە کە تیایدا لە چوارچێوەی ھەڵسەنگاندنی بڕیاری کشانەوەی ئەمریکا لە سووریا، لێدوانی دژ بە تورکیای بڵاو کردووەتەوە و ستایشی هێزە کوردییەکانی کردووە.
ئیبراهیم کاڵن رایگەیاندووە: "شرۆڤەیێکی ھەڵەیە. ئەو تۆماتانەی ئاراستەی تورکیاتان کردووە بە تەواوی بێ مانایە، تەنھا دووبارە کردنەوەی پروپاگەندەی پەکەکەیە، تورکیا گیانی ھەزاران لە عەرەب و کورد و سریانی و پێکهاتەکانی دیکەی رزگار کردووە. دەتانەوێت ژیانێکی دیکە بە پەکەکە بدەنەوە".
برێت مەکگورک لە وتارەکەیدا رەخنەی لە بڕیاری سەرۆکی ئەمریکا، دۆناڵد ترەمپ تایبەت بە کشانەوەی ھێزەکانی ئەمریکا لە سووریا گرتووە و بەرگریی لەوەش کردووە کە تورکیا ھاوپەیمانێکی متمانەپێکراو نییە و لە وتارەکەیدا ستایشی یەپەگە-ی کردووە.
سەرچاوە: ڕۆژنامەی دیوار
کۆدی هەواڵنێر: 60113
Your Comment