به‌پێی هه‌واڵی کوردپرێس، سه‌میر محه‌مه‌د نوور سه‌رۆكی ئه‌نجومه‌نی قه‌زای خانه‌قین به SNNی ڕاگه‌یاند: چه‌كدارانی داعش په‌لاماری ڕه‌بیه‌یێكی سه‌ر به پۆلیسی فریاكه‌وتنی فه‌وجی 8ی سوپای عێراقیان داوه له نزیک گوندی محه‌مه‌د عه‌باس له سنووری قه‌زای خانه‌قین.
ناوبراو وتیشی: له ئه‌نجامی ئه‌و په‌لاماره‌دا شه‌ڕ و پێكدادان له نێوان تیرۆریستان و هێزه‌كانی پۆلیس ڕووی داوه و تا ئێستاش به‌هۆی په‌لاماره‌كه‌ی چه‌كدارانی داعشه‌وه، ژماره‌یێک پۆلیسی فریاكه‌وتن بریندار بوون.
سه‌میر محه‌مه‌د نوور ڕاشیگه‌یاند: ئه‌و ناوچه‌یه‌ی چه‌كدارانی داعش په‌لاماریان داوه پێشتر ناوچه‌یێكی كوردنشین بوووه، به‌ڵام به‌هۆی ئه‌و ڕووداوانه‌ی ڕابردوووه‌وه، زۆربه‌ی كوردانی نیشته‌جێی ناوچه‌كه ماڵ و حاڵیان جێهێشتوووه.
له‌لایێکی دیکه‌وه جه‌مال ساڵح به‌ڕێوه‌به‌ری ناحیه‌ی زنانه‌ی سه‌ر به قه‌زای كفری به سبه‌ی ڕاگه‌یاند: دوو هاووڵاتی كورد له‌لایه‌ن چه‌کدارانی داعشه‌وه ڕفێنران و دوای ماوه‌یێک ئازاد كران.
به‌ڕێوه‌به‌ری ناحیه‌ی زنانه‌ی ئاماژه‌ی به‌وه‌ش كرد که چه‌کدارانی داعش له گونده‌كانی نێوان خورماتو و زنانه چه‌ند شوێنێكیان داگیر كردوووه و بوونه‌ته هه‌ڕه‌شه‌یێکی جیدی بۆ سه‌ر ئاسایشی دانیشتوووانی ئه‌و ناوچه‌یه.
کۆدی هه‌واڵنێر: 60103
Your Comment