به‌پێی هه‌واڵی کوردپرێس، حه‌نین قه‌دۆ له به‌یاننامه‌یێکدا نووسیی: چه‌ند میدیایێكی عێراقی بڵاویان كرده‌وه كه سوپای ئه‌مریكا 20 هه‌زار سه‌ربازی له مووسڵ و ده‌وربه‌ری جێگیر كردوووه و كار بۆ ده‌ركردنی هێزه‌كانی حه‌شدی شه‌عبی له‌و ناوچانه ده‌كه‌ن که ئه‌و هه‌واڵانه دوورن له ڕاستییه‌وه و ئامانج له ڕاگه‌یاندنی ئه‌و هه‌واڵانه دروستکردنی ترس و ته‌نگه‌ژه‌یه له نێوان هاووڵاتییانی مووسڵدا.
ناوبراو داوا له عادل عه‌بدولمه‌هدی سه‌رۆک وه‌زیران و فه‌رمانده‌ی گشتیی هێزی چه‌کداری عێراق ده‌کات که ڕای گشتی ئاگادار بکاته‌وه له بابه‌تی جێگیربوونی هێزه‌کانی ئه‌مریکا له باکوور و دیکه‌ی ناوچه‌کانی عێراق و ئامانج له ئاماده‌بوونی ئه‌و هێزانه.
حه‌نین قه‌دۆ ڕاشی‌گه‌یاند: بێ‌هه‌ڵویستی به‌غدا له به‌رانبه‌ر ئه‌م جۆره ده‌نگۆیانه تێکدانی دۆخی ئه‌منی و نیگه‌رانی و دڵه‌ڕاوکێی هاووڵاتییانی عێراقی به‌دواوه ده‌بێت.
سه‌رچاوه: ماڵپه‌ڕی هه‌واڵی "بغداد الیوم"
کۆدی هه‌واڵنێر: 60103
Your Comment