به‌پێی هه‌واڵی کوردپرێس، محه‌ممه‌د حه‌لبووسی سه‌رۆكی ئه‌نجومه‌نی نوێنه‌رانی عێراق فه‌رمانی پێكهێنانی لێژنه‌یێكی ده‌ر‌كرد كه نوێنه‌ری هه‌ریه‌ک له لیژنه په‌رله‌مانییه‌كانی ئاسایش و به‌رگری و په‌یوه‌ندییه‌كانی ده‌ره‌وه له‌خۆ بگرێت بۆ لێكۆڵینه‌وه له دروستی ئه‌و ده‌نگۆیانه‌ی باس له سه‌ردانی چه‌ند شاندێكی عێراقی بۆ ئیسرائیل ده‌كه‌ن.
له ڕۆژانی ڕابردوودا وه‌زاره‌تی ده‌ره‌وه‌ی ئیسرائیل ڕایگه‌یاندبوو که ساڵی ڕابردوو 3 شاندی عێراقی سه‌ردانی وڵاته‌كه‌یان كردبوو كه نوێنه‌ری چه‌ند لایه‌نێكی سیاسی و ژماره‌یێک كه‌سایه‌تی له‌خۆ گرتبوو.
جێی باسه؛ عێراق یه‌كێكه له‌و وڵاتانه‌ی دانی به ئیسرائیلدا نه‌ناوه و وه‌ک داگیركه‌ری خاكی فه‌له‌ستین له‌و وڵاته ده‌ڕوانێت و هیچ په‌یوه‌ندییێكی فه‌رمی له‌گه‌ڵیدا نییه.
سه‌رچاوه: ڕادیۆ نه‌وا
کۆدی هه‌واڵنێر: 60103
Your Comment