بەپێی هەواڵی کوردپرێس، روانگەی سووری بۆ مافەكانی مرۆڤ بڵاوی كردوەتەوە، چەكدارانی داعش بوونی زریانێكی خۆڵبارین و خراپیی كەشوهەوایان قۆستۆتەوە و لە خۆرهەڵاتی سووریا هێرشێكیان كردۆتەسەر هێزەكانی هەسەدە.

ئاماژە بەوەش دراوە، لەهێرشەكەدا 23 شەڕڤانی هەسەدە گیانیان لەدەست دا و 9 چەكداری رێكخراوی داعش كوژراون.

دوای ئەوەی دۆناڵد ترامپ سەرۆكی ئەمریكا كشانەوەی هێزەكانی وڵاتەكەی لە سووریا راگەیاند، هێرشی چەكدارانی داعش بۆسەر هێزەكانی هەسەدە چڕتر بۆتەوە، چاودێرانیش ترسی ئەوەیان پیشانداوە دوای كشانەوەی ئەو هێزانە داعش خۆی رێكبخاتەوە، لەكاتێكدا زۆرینەی ناوچەكانیان لەژێر دەست دەرهێنرا و تەنها چەند مۆڵگەیێكیان بەدەستەوە مابوو.

کۆدی هه‌واڵنێر: 60113