به‌پێی هه‌واڵی کوردپرێس، لوقمان عه‌بدولقادر سه‌رۆكی كۆمه‌ڵه‌ی قوربانیانی كیمیابارانی هه‌ڵه‌بجه له لێدوانێكدا بۆ نه‌وا دۆزینه‌وه‌ی منداڵێكی ونبووی هه‌ڵه‌بجه‌ی ڕاگه‌یاند.
ناوبراو باسی له‌وه‌ش كرد: ئه‌و منداڵه ونبوووه‌ی هه‌ڵه‌بجه ناوی "محه‌مه‌د ئه‌مین"ه و له شاری قوم له ئێران نیشته‌جێ بوووه، هه‌روه‌ها خوێندنی ته‌واو كردوووه و هاوسه‌رگیریی كردوووه و ئه‌و كاته‌ی له ئێران له خێزانه‌كه‌ی دابڕاوه ته‌مه‌نی حه‌وت مانگ بوووه.
لوقمان عه‌بدولقادر ئاماژه‌ی به‌وه‌ش كرد كه محه‌مه‌د ڕۆژی دووشه‌ممه له دادگای هه‌ڵه‌بجه وته‌ی لێوه‌رگیراوه و ڕۆژی سێشه‌ممه ده‌نێردرێ بۆ شاری سلێمانی به مه‌به‌ستی وه‌رگرتنی نموونه‌ی پشكنین و دواتر ده‌گه‌ڕێته‌وه وڵاتی ئێران تا ته‌واو بوونی كاری دادگا و دۆزینه‌وه‌ی خێزانه‌كه‌ی.
سه‌رۆكی كۆمه‌ڵه‌ی قوربانیانی هه‌ڵه‌بجه هێمای بۆ ئه‌وه‌ش كرد: ئه‌و به‌ڵگانه‌ی محه‌مه‌د خستوونیه ڕوو به‌هێزن و له لایه‌ن وه‌زاره‌ته‌كانی ده‌ره‌وه‌ی ئێران و عێراق و هه‌روه‌ها نوێنه‌رایه‌تی حكوومه‌تی هه‌رێم له تاران پشتڕاست كراونه‌ته‌وه به‌ڵام دواجار پشكنین و بڕیاری دادگا بابه‌ته‌كه یه‌كلایی ده‌كاته‌وه.
کۆدی هه‌واڵنێر: 60103
Your Comment