به‌پێی هه‌واڵی کوردپرێس، ئه‌مڕۆ یه‌کشه‌ممه 6ی کانوونی دووهه‌می 2019 ڕێباز حه‌ملان وه‌زیری داراییی ھه‌رێمی كوردستان له وتارێكدا كه له پێگه‌ی خۆی له تۆڕی كۆمه‌ڵایه‌تیی فه‌یسبووک بڵاوی كردوووه‌ته‌وه نووسیویه‌تی: "له هه‌رێمی كوردستان به‌هۆی سیاسه‌تی ئابووری و به‌هێزی پێگه‌ی هه‌رێم له ناوچه‌كه، ڕه‌وشی دارایی به به‌راورد به ساڵانی شه‌ڕی داعش و نه‌ناردنی بودجه له لایه‌ن به‌غداوه به‌ره‌و پێشتر چوووه و هه‌موو پێشبینییه‌كانیش بۆ حكوومه‌تی داهاتووی هه‌رێم له ڕووی ئابوورییه‌وه گه‌شبینانه‌یه بۆیه پێكهێنانی كابینه‌ی نوێ به زووترین كات ئه‌ركی سه‌ر شانی هه‌موو ئه‌و هێز و لایه‌نانه‌یه كه ده‌یانه‌وێت به‌شداری له حكوومه‌ت بكه‌ن."
وه‌زیری داراییی هه‌رێم ده‌شڵێت: "بناخه‌ی به‌ره‌وپێشچوونی ئابووری و باش بوونی دۆخی دارایی له ھه‌موو وڵات و حوکمڕانییێک بریتییه له ئارامی و بوونی ئاسایش و نه‌بوونی شه‌ڕ و ئاڵۆزی، دواتر ڕێکخستنی داھات و خه‌رجی و بره‌ودانی وه‌به‌رھێنان و زیادکردنی سه‌رچاوه‌کانی داھات."
سه‌رچاوه: میدیاکانی هه‌رێمی کوردستان
کۆدی هه‌واڵنێر: 60103
Your Comment