به‌پێی هه‌واڵی کوردپرێس، ڕۆژی 8ی کانوونی دووهه‌می 2019 جۆن بۆڵتۆن ڕاوێژكاری ئاسایشی نیشتیمانیی كۆشكی سپی سه‌ردانی تورکیا ده‌کات و له سه‌ردانه‌که‌یدا هه‌ریه‌كه له جۆزیف دانفۆرد سه‌رۆكی ئه‌ركانی سوپای ئه‌مریكا و جه‌میس جێفری نوێنه‌ری تایبه‌تی ئه‌مریكا له سووریا یاوه‌ری بۆڵتۆن ده‌كه‌ن.
ئه‌و وه‌فده پایه‌به‌رزه‌ی ئه‌مریکا له سه‌ره‌تادا سه‌ردانی ئیسرائیل ده‌کات و دواتر به‌ره‌و تورکیا به‌ڕێده‌که‌وێت. سه‌ردانی ئه‌و وه‌فده‌ی ئه‌مریکا بۆ تورکیا له کاتێکدایه که مایک پۆمپیۆ وه‌زیری ده‌ره‌وه‌ی ئه‌مریکاش سه‌ردانی 8 وڵاتی که‌نداوی فارس ده‌کات له‌وان ئۆردۆن، میسر، به‌حره‌ین، ئیمارات، قه‌ته‌ر، عه‌ره‌بستان، عه‌مان و کوه‌یت.
سه‌رچاوه: ڕۆژنامه‌ی دیوار
کۆدی هه‌واڵنێر: 60103
Your Comment