به‌پێی هه‌واڵی کوردپرێس، تورکیا که له دوو ئۆپه‌راسیۆنی سه‌ربازیی له ساڵانی 2016 و 2018 ناوچه‌کانی باکووری ڕۆژئاوای سووریا له‌وان ناوچه‌ی کوردنشینی عه‌فرینی داگیر کردوووه، ئێستاکه ده‌یه‌وێت دواناوچه‌کانی باکووری سووریا تا سنووره‌کانی عێراق کۆنتڕۆڵ بکاته‌وه.
نیکۆلاس هراس توێژه‌ری سه‌نته‌ری نیوو ئه‌مریکه‌ن سکیۆریتی له‌سه‌ر ئه‌و باوه‌ڕه‌دایه که ئه‌ردۆغان ده‌یه‌وێت نفووزی خۆی له باکووری سووریا زیاتر بکاته‌وه و نایه‌وێت به‌په‌له کۆنتڕۆڵی ئه‌و ناوچانه له‌ده‌ست بدات که‌واته تورکیا هه‌وڵه‌کانی چڕ کردۆته‌وه بۆ زیادکردنی نفووزی خۆی و کۆنتڕۆڵ‌کردنی ئه‌و ناوچانه بۆ ماوه‌یێکی درێژخایه‌ن هاوشێوه‌ی باکووری قێبرس.
ناوبراو له هه‌ژماری توویته‌ردا نووسیویه‌تی: ئه‌م ئایدیای ئه‌ردۆغانه ده‌بێته‌هۆی ئه‌وه‌ی که ناسه‌قامگیری بۆ ماوه‌یێکی درێژخایه‌ن باڵ بکێشێته سه‌ر ناوچه‌ی شام.
کۆدی هه‌واڵنێر: 60103
Your Comment