به‌پێی هه‌واڵی کوردپرێس، ساره‌ ساندرز وته‌بێژى کۆشکى سپى ڕای‌گه‌یاند: بڕیاره‌ 11ى کانوونى دووه‌مى 2019 مایک پۆمپیۆ وه‌زیرى ده‌ره‌وه‌ى ئه‌مریکا سه‌ردانى عێراق بکات و چاوی به‌ به‌رپرسانى باڵاى عێراق بکه‌وێت.

ناوبراو ڕاشی‌گه‌یاند: له‌و سه‌ردانه‌دا پۆمپیۆ به‌ شێوه‌یێکى فه‌رمى بانگهێشتنامه‌ى دۆنالد تره‌مپ سه‌رۆکى ویلایه‌ته‌ یه‌کگرتوووه‌کانى ئه‌مریکا ده‌گه‌یه‌نێته‌ ده‌ست عادل عه‌بدولمه‌هدى سه‌رۆک وه‌زیرانى عێراق بۆ سه‌ردانی کردنى واشنتۆن.

ئه‌و سه‌ردانه‌ی مایک پۆمپیۆ وه‌زیری ده‌ره‌وه‌ی ئه‌مریکا له‌ کاتێکدایه‌ که‌ ئێواره‌ی ڕۆژی 26ى کانوونى یه‌که‌می 2018 دۆناڵد تره‌مپ سه‌رۆکى ویلایه‌ته‌ یه‌کگرتوووه‌کانى ئه‌مریکا و میلانیاى هاوسه‌رى به ‌شێوه‌یێکى نهێنى گه‌یشتنه‌ عێراق و بۆ ماوه‌ی سێ کاتژمێر له‌ ئه‌نبار ماونه‌ته‌وه‌ و ئاهه‌نگى کریسمسیان له‌گه‌ڵ سه‌ربازانى ئه‌مریکا له‌ عێراق ساز کرد بێ ئه‌وه‌ی هیچ دیدارێک له‌گه‌ڵ به‌رپرسانی عێراقی ئه‌نجام بدات.

سه‌رچاوه‌: ڕادیۆ نه‌وا

کۆدی هه‌واڵنێر: 60103