به‌پێی هه‌واڵی کوردپرێس، هۆگان گیدلێی ڕایگهیاند: ڕه‌جه‌ب ته‌ییب ئه‌ردۆغان سه‌رۆک کۆماری تورکیا بانگهێشتنامه‌ی بۆ دۆناڵد تره‌مپ سه‌رۆکی ئه‌مریکا ناردوووه بۆ سه‌ردانی ئه‌نقه‌ره له ساڵی 2019 و ئه‌م بانگهێشتنامه‌یه‌ی تورکیا له کاتێکدایه په‌یوه‌ندیی ئه‌مه‌ریکا و تورکیا به‌هۆی کشانه‌وه‌ی هێزه‌کانی ئه‌مه‌ریکا له سووریا به‌ره‌وپێشچوونی به‌خۆیه‌وه بینیوه و ئه‌نقه‌ره خۆشحاڵیی خۆی بۆ کشانه‌وه‌ی هێزه‌کانی ئه‌مریکا له سووریا ڕاگه‌یاندوووه.
هۆگان گیدلێی له‌باره‌ی ئاماده‌ییی دۆناڵد تره‌مپ بۆ سه‌ردانه‌که هیچ زانیارییێکی نه‌درکاندوووه به ئه‌رێنی یان نه‌رێنی و ڕایگه‌یاندوووه: "ئه‌گه‌رچی هیچ خاڵێکی دیاریکراو نییه گفتوگۆی له‌سه‌ر بکه‌ن به‌ڵام تره‌مپ ئاماده‌یه له داهاتوودا کۆبوونه‌وه له‌گه‌ڵ ئه‌ردۆغان بکات."
شه‌وی چوارشه‌ممه 19-12-2018 کۆشکی سپی (کۆشکی سه‌رۆکایه‌تیی ئه‌مریکا) ڕایگهیاند که ئیداره‌ی دۆناڵد تره‌مپ سه‌رۆکی ئه‌مریکا بڕیاری گه‌ڕاندنه‌وه‌ی هێزه‌کانی وڵاته‌که‌ی له سووریا داوه و هێزه‌کانی ئه‌مریکا له چوارچێوه‌ی هاوپه‌یمانیی نێوده‌وڵه‌تیی دژی داعش و بۆ مه‌شقکردن به هێزه‌کانی سووریای دیموکرات (هه‌سه‌ده) له ڕۆژهه‌ڵاتی سووریا جێگر ببوون.
به دوای بڕیاره‌که‌ی دۆناڵد تره‌مپ سه‌رۆکی ئه‌مریکا بۆ کشانه‌وه‌ی هێزه‌کانی ئه‌مریکا له سووریا، جه‌یمس ماتیس وه‌زیری به‌رگری و برێت مه‌کگۆرک نوێنه‌ری سه‌رۆكی ئه‌مریكا له هاوپه‌یمانیی نێوده‌وڵه‌تیی دژی داعش له ناڕه‌زایه‌تی ده‌ربڕین به‌و بابه‌ته ده‌ستیان له‌کار کێشایه‌وه.
سه‌رچاوه: میدیاکانی عێراق
کۆدی هه‌واڵنێر: 60103
Your Comment