کوردپرێس: به‌ھۆی كشانه‌وه‌ی سوپای ئه‌مریكا له خاكی سووریا، وه‌فدێكی ئه‌نجومه‌نی سووریای دیموكرات به سه‌رۆكایه‌تیی ئیلھام ئه‌حمه‌د ھاوسه‌رۆكی ده‌سته‌ی به‌ڕێوه‌به‌ریی ئه‌نجومه‌نی سووریای دیموكرات و ریاز ده‌رار ھاوسه‌رۆكی ئه‌نجومه‌نه‌كه سه‌ردانی فه‌ڕه‌نسایان كرد و له كۆشكی ئه‌لیزێ له‌گه‌ڵ لێپرسراوانی باڵای ئه‌و وڵاته‌دا كۆ بوونه‌وه.
له كۆنفرانسێكی رۆژنامه‌وانیدا له پاریس، ئه‌نجومه‌نی سووریای دیموكرات داوای له فه‌ره‌نسا كرد رۆڵی كاریگه‌ری ھه‌بێت له سووریا دوای كشانه‌وه‌ی سوپای ئه‌مریكا له‌و وڵاته‌دا.
له‌لایه‌ن خۆیه‌وه، ئیلھام ئه‌حمه‌د رایگه‌یاند: ئه‌گه‌ر ره‌وشی سووریا له كۆنترۆڵ ده‌ربچێت ئه‌وا ھێزه‌كانی سووریای دیموكرات له توانایاندا نابێت داعشه به‌دیل گیراوه‌كان لای خۆیان بھێڵنه‌وه، به‌پێویستیشی زانی ھاوپه‌یمانی نێوده‌وڵه‌تی به‌رده‌وام بێت له‌شه‌ری داعش له سووریا.
کۆدی هەواڵنێر: 60113
Your Comment