به‌پێی هه‌واڵی کوردپرێس، ئه‌مڕۆ سێشه‌ممه 18ی کانوونی یه‌که‌می 2018 نێچیرڤان بارزانی سه‌رۆک وه‌زیرانی هه‌رێمی کوردستان له‌گه‌ڵ ستیڤ بلۆک وه‌زیری ده‌ره‌وه‌ی هۆڵه‌ندا کۆ بوویه‌وه و له كۆنگره‌یێكی ڕۆژنامه‌وانیدا ناوه‌رۆكی كۆبوونه‌وه‌كه‌یان خسته‌ڕوو و نێچیرڤان بارزانی له‌باره‌ی کۆبوونه‌وه‌که‌وه ڕای‌گه‌یاند: "باسی هاوکاریی هۆڵه‌ندا بۆ هه‌رێمی کوردستان کرا به‌تایبه‌ت هاوکارییه‌کانی ئه‌و وڵاته له شه‌ڕی داعش و ڕه‌وشی ئاواره‌کان".
سه‌رۆکی حکوومه‌تی هه‌رێم داوای کرد که هۆڵه‌ندا یارمه‌تی زیاتری کوردستان بدات له گشت بواره‌کان به‌تایبه‌ت له ڕووی کشتووکاڵ و بازرگانییه‌وه.
لای خۆیه‌وه ستیڤ بلۆک ڕای‌گه‌یاند که ئه‌وان په‌یوه‌ندییێکی زۆر باشیان له‌گه‌ڵ هه‌رێمی کوردستان هه‌یه و گرنگی زیاتری پێده‌ده‌ن.
وه‌زیری ده‌ره‌وه‌ی هۆڵه‌ندا ڕاشی‌گه‌یاند: "ھاوكاری ھێزی پێشمه‌رگه‌مان كردوووه و ھاوكارییه سه‌ربازییه‌كانمان بۆ ھێزی پێشمه‌رگه به‌رده‌وام ده‌بن و ده‌مانه‌وێت ھه‌رێمی كوردستان ھه‌رێمێكی به‌ھێز بێت و په‌یوه‌ندییه‌كانمان به‌ھێزتر بن".
هه‌ر له‌و کۆبوونه‌وه‌یه باس له پێکهێنانی حکوومه‌تی هه‌رێمی کوردستان و عێراق کراوه و هه‌ردوولا کۆک بوون که په‌یوه‌ندیی به‌هێزی هه‌ردوولا به‌رده‌وام بێت.
کۆدی هه‌واڵنێر: 60103
Your Comment