به‌پێی هه‌واڵی کوردپرێس، سه‌رۆكایه‌تیی داواكاری گشتیی ئه‌سته‌نبۆڵ له لێكۆڵینه‌وه‌یێكدا له پێكهاته‌ی فه‌تۆ له نێو سوپای توركیادا فه‌رمانی ده‌ستبه‌سه‌ركردنی بۆ 219 سه‌ربازی هه‌میشه‌یی ده‌ركرد.
ئه‌و سه‌ربازانه‌ی فه‌رمانی ده‌ستبه‌سه‌ركردنیان بۆ ده‌ركراوه پله‌ی جۆراوجۆریان هه‌یه و هه‌وڵه‌كان بۆ قۆڵبه‌ست كردنیان ده‌ستی پێكردوووه.
هاوكات به هه‌مان تۆمه‌ت سه‌رۆكایه‌تیی داواكاری كۆماری ئه‌نقه‌ره بڕیاری ده‌ستگیركردنی بۆ 48 كه‌سی‌تر ده‌ركردوووه كه له كۆمپانیاكانی پیشه‌سازی به‌رگریدا كار ده‌كه‌ن.
شایانی باسه؛ له دوای هه‌وڵه‌كانی كووده‌تا شكستخواردوووه‌كه‌ی ته‌مووزی ساڵی 2015ه‌وه، حكوومه‌تی توركیا به تۆمه‌تی تێوه‌گلان له هه‌وڵی كووده‌تاكه و ئه‌ندامبوون له ڕێكخراوی گرووپی خزمه‌تی فه‌تحوڵڵا گوله‌ن زیاتر له 200 هه‌زار سه‌رباز و مامۆستا و فه‌رمانبه‌ری حكومی و هاووڵاتی ده‌ستگیر كردوووه و یاخود له كاره‌كانیان دوور خراونه‌ته‌وه.
سه‌رچاوه: هه‌واڵده‌ریی ئه‌نادۆڵو
کۆدی هه‌واڵنێر: 60103
Your Comment