به‌پێی هه‌واڵی کوردپرێس، محه‌مه‌د عومه‌ر لێپرسراوی كۆمیته‌ی قه‌ره‌ته‌په‌ی یه‌كێتی به SNNی ڕاگه‌یاند: داعش له سنووره‌كانی قه‌ره‌ته‌په و جه‌له‌ولا و سه‌عدییه به ئاشكرا بوونیان هه‌یه و سوپای عیراق و حه‌شدی شه‌عبی ناتوانن ڕوبه‌ڕویان ببنه‌وه و ناوچه‌كه به‌گشتی بپارێزن".
ناوبراو وتیشی: "پێشتر سه‌ره‌ڕای بوونی فه‌وجێكی سوپای عێراق و حه‌شدی شه‌عبی دوو لیوای هێزه‌كانی پێشمه‌رگه له سنووری حه‌مرین جێگیر كرابوون كه‌چی له سنووری قه‌ره‌ته‌په و جه‌له‌ولا ناوبه‌ناو داعش كرده‌وه‌ی تیرۆریستی ئه‌نجام ده‌دات و ئێستاش كه به پانتاییی 15 كیلۆمه‌تر له نێوان قه‌ره‌ته‌په و جه‌له‌ولا تا ده‌گاته ده‌ریاچه‌ی حه‌مرین، سه‌ربازێكی سوپای لێ نییه، داعش ئه‌وه به هه‌ل ده‌زانێت و سه‌رقاڵی دانانی به‌رنامه و خۆڕێكخستنه‌وه‌یه بۆیه چاوه‌ڕوان ده‌كرێت كرده‌وه‌كانیان زیاتر بێت".
به وته‌ی ئه‌و به‌رپرسه‌ی یه‌كێتی، له كاتێكدا سوپای عێراق ناتوانێت ئه‌و ناوچانه بپارێزێت، داوای هاوكاریش له هێزی پێشمه‌رگه ناكات و ده‌شڵێت: "بۆ نه‌هێشتنی مه‌ترسییه‌كانی داعش ده‌بێت هه‌ماهه‌نگی له نێوان سوپای عێراق و هێزی پێشمه‌رگه هه‌بێت ئه‌گه‌رنا داعش زیاتر گه‌شه ده‌كات".
کۆدی هه‌واڵنێر: 60103
Your Comment