به‌پێی هه‌واڵی کوردپرێس، ڕۆژی چوارشه‌ممه‌ 12ی کانوونی یه‌که‌می 2018 د. به‌شیر حه‌داد جێگری سه‌رۆکی په‌رله‌مانی عێراق له‌ نووسینگه‌ی تایبه‌تی خۆی له‌ شاری به‌غدا پێشوازی له‌ نادیه‌ موراد چالاكوانی مافی مرۆڤی نێوده‌وڵه‌تی و كچه‌ ڕزگاربووی ژێر ده‌ستی داعش کرد و خه‌ڵاتی قه‌ڵغانی ئه‌نجومه‌نی نوێنه‌رانی پێشکه‌ش کرد به ‌بۆنه‌ی به‌ده‌ستهێنانی خه‌ڵاتی نۆبڵی ئاشتی.

شایانی باسه‌ که‌ به‌رهه‌م ساڵح و خانمی یه‌که‌می عێراق له‌ کۆشکی سه‌لام پێشوازییان له‌ نادیه‌ موراد کرد.

ڕۆژی دووشه‌ممه‌ی ڕابردوو 10ی کانوونی یه‌که‌می 2018 نادیه‌ موراد له‌ ڕێوره‌سمێکدا له‌ شاری ئۆسڵۆی پایته‌ختی نه‌رویج خه‌ڵاتی نۆبڵی ئاشتی پێبه‌خشرا.

سه‌رچاوه‌: باسنیووز

کۆدی هه‌واڵنێر: 60103