به‌پێی هه‌واڵی کوردپرێس، دوای كۆبوونه‌وه‌ی پێنجه‌مین گرووپی چالاکی ڕیفۆرم كه له ئه‌نقه‌ره به به‌شداریی مه‌ولوود چاووشئۆغڵۆ وه‌زیری ده‌ره‌وه‌ی تورکیا و عه‌بدولحه‌مید گول وه‌زیری داد و به‌رات ئاڵبایراک وه‌زیری گه‌نجینه و دارایی و سوله‌یمان سۆیڵو وه‌زیری ناوخۆ به‌ڕێوه چوو، له‌گه‌ڵ وه‌زیره‌كانی دیكه كۆنگره‌یێكی ڕۆژنامه‌وانی هاوبه‌شیان ساز كرد.
وه‌زیری ده‌ره‌وه‌ی تورکیا گوتی: "هاووڵاتییانمان شایسته‌ی ئه‌وه‌ن به بێ ڤیزه گه‌شتی ئه‌ورووپا بکه‌ن و له‌پێناو هه‌ڵگرتنی ئه‌و ڕێکاره نادادپه‌روه‌رانه‌یه درێژه به کاره‌کانمان ده‌ده‌ین".
مه‌ولوود چاووشئۆغڵۆ سه‌باره‌ت به لێكۆڵینه‌وه‌ی نێوده‌وڵه‌تی له كوشتنی خاشقجی گوتی: "له په‌راوێزی G-20دا له‌گه‌ڵ زۆرێک له هاوتاكانم ئیراده‌ی داواكاری هاوبه‌شمان هێنایه ئاراوه."
وه‌زیری ده‌ره‌وه‌ی تورکیا سه‌باره‌ت به هێزه‌کانی یه‌په‌گه گوتیشی: "ئه‌گه‌ر مه‌به‌ستی ئه‌مریكا ڕاهێنان بێت به یه‌په‌گه ئه‌وا ئێجگار هه‌ڵه‌یه و ناپاكییه به‌رامبه‌ر ناوچه‌كه. ناشتوانین چاو له‌وه بپۆشین".
سه‌رچاوه: هه‌واڵده‌ریی ئه‌نادۆڵو
کۆدی هه‌واڵنێر: 60103
Your Comment