به‌پێی هه‌واڵی کوردپرێس، په‌روین بوڵدان باسی له‌وه‌ش کرد: ماوه‌ی 33 ڕۆژه له‌یلا گوڤه‌ن په‌رله‌مانتاری فراكسیۆنه‌كه‌یان مانی له خواردن گرتوووه و داوای له په‌رله‌مانی توركیا كرد به‌رپرسیارێتی له ئه‌ستۆ بگرێت و به‌دواداچوون بكات كه بۆچی ئه‌و په‌رله‌مانتاره‌ی هه‌ده‌په مانی له خواردن گرتوووه.
ناوبراو له‌باره‌ی ئازادنه‌كردنی سه‌ڵاحه‌ددین ده‌میرتاشیشه‌وه وتی: دادگای مافی مرۆڤی ئه‌ورووپا بڕیاری ئازادكردنی ده‌میرتاشی ده‌ركردوووه به‌ڵام ئه‌ردۆغان خۆی له شوێنی دادگا داناوه و دان به بڕیاره‌كه‌دا نانێت.
هاوسه‌رۆكی هه‌ده‌په ڕه‌خنه‌ی له دادگای پێداچوونه‌وه‌ی توركیا گرت كه به خێرایی بڕیاری زیندانی كردنی ده‌میرتاشیان په‌سه‌ند كرد و گوتیشی: دادگا سه‌ربه‌خۆیی له‌ده‌ست داوه و به‌شێک له دادوه‌ران به ڕێنمایی بڕیار ده‌رده‌كه‌ن.
سه‌رچاوه: KNN
کۆدی هه‌واڵنێر: 60103
Your Comment