به‌پێی هه‌واڵی کوردپرێس، ئه‌مڕۆ یه‌کشه‌ممه‌ 9ی کانوونی یه‌که‌می 2018 فوئاد حسێن وه‌زیری داراییی عێراق، كه‌ به‌وه‌كاله‌ت وه‌زیری پلاندانانیشه‌ ڕایگه‌یاند: عێراق و یه‌كێتیی ئه‌ورووپا 3 ڕێككه‌وتننامه‌یان به‌ به‌ھای 72 ملیۆن یۆرۆ بۆ ئاوه‌دانكردنه‌وه‌ی ناوچه‌ زیانلێكه‌توووه‌كانی شه‌ڕی داعش واژۆ كرد.

فوئاد حسێن گوتیشی: "ڕێككه‌وتننامه‌كان بواری كه‌رتی نه‌وتی و گه‌ڕاندنه‌وه‌ی ئاواره‌كان و پاككردنه‌وه‌ی ناوچه‌كان له‌ پاشماوه‌ی مین و ته‌قه‌مه‌نییه‌كان ده‌گرێته‌وه‌."

دوای تێكشكاندنی خه‌لافه‌ته‌كه‌ی داعش چه‌ند ئاسته‌نگێک هاتوونه‌ته‌ به‌رده‌م حكوومه‌تی عێراق كه‌ دیارترینیان گه‌ڕانه‌وه‌ی ئاواره‌كان، پاشماوه‌ی ته‌قه‌مه‌نییه‌كانی داعش و ئاوه‌دانكردنه‌وه‌ی ئه‌و ناوچانه‌ن كه‌ به‌هۆی شه‌ڕه‌وه‌ زیانییان به‌ركه‌وتوووه‌.

سه‌رچاوه‌: K24

کۆدی هه‌واڵنێر: 60103