به‌پێی هه‌واڵی کوردپرێس، ئه‌مڕۆ یه‌کشه‌ممه‌ 9ی کانوونی یه‌که‌می 2018 ڕوانگه‌ی سووریا بۆ مافه‌كانی مرۆڤ بڵاوی كرده‌وه‌ که‌ ته‌قینه‌وه‌ی یه‌كه‌م له‌ ڕێی بۆمبێكی چێندراو له‌ نزیک باره‌گایێكی ھێزه‌ چه‌كداره‌كانی نزیک له‌ توركیا ڕووی داوه‌ و ژماره‌یێک ھاووڵاتی بریندار بوونه‌.

ھه‌روه‌ھا ته‌قینه‌وه‌ی دووه‌م له‌ ڕێی ئۆتۆمبێلێكی بۆمبڕێژكراوه‌وه‌ ڕووی داوه‌ له‌ ڕێگه‌ی نێوان ڕاجۆ- عه‌فرین و ئه‌ندامێكی ھیزه‌ چه‌كداره‌كان و دوو ھاووڵاتی كوژراون و ژماره‌یێک ھاووڵاتی و ئه‌ندامی ھێزه‌ چه‌كداره‌كانیش بریندار بوونه‌.

ڕوانگه‌ی سووریا ئاشکرای کردوووه‌ که‌ دوو ڕۆژ له‌مه‌وبه‌ر ته‌قینه‌وه‌یێكی دیكه‌ له‌ ناوچه‌ی جندرێسی عه‌فرین ڕووی دابوو كه‌ بریندار بوونی 7 ئه‌ندامی میلیشیاكانی گرووپی ئه‌حرارولشامی لێکه‌وتبوووه‌وه‌.

سه‌رچاوه‌: K24

کۆدی هه‌واڵنێر: 60103