به‌پێی هه‌واڵی کوردپرێس، كه‌ریم ئه‌سعه‌د ئه‌حمه‌د خان پارێزه‌رێكی به‌ریتانی له‌ بواری مافه‌كانی مرۆڤ له ‌ئه‌نجومه‌نی ئاسایشی نێوده‌وڵه‌تی ڕای‌گه‌یاندوووه‌: تیمی لێكۆڵینه‌وه‌ له‌ ئاماده‌كارییه‌كانیان به‌رده‌وامن به‌ ئامانجی ده‌ست كردن به‌ چالاكییه‌كانیان له‌ سه‌ره‌تای ساڵی 2019.

ناوبراو وتیشی: "جێبه‌جێ كردنی چالاكییه‌كان و لێكۆڵینه‌وه‌كان پشت به‌ هاریكاری و متمانه‌ی سه‌رجه‌م چین و توێژه‌كانی عێراق ده‌به‌ستێت".

ئه‌و پارێزه‌ره‌ كه‌ سه‌رۆكی لیژنه‌ی لێكۆڵینه‌وه‌كانه‌ ڕوونیشی كرده‌وه‌: لێكۆڵینه‌وه‌كان له‌سه‌ر ئه‌و تاوانانه‌ ده‌بێت كه‌ ڕێكخراوی داعش له عێراق ئه‌نجامی داوه ‌و سه‌رجه‌م به‌ڵگه‌كان له‌سه‌ر كوشتارگه‌كان كۆ ده‌كرێنه‌وه‌ و پێشتریش ویلایه‌ته‌ یه‌كگرتوووه‌كانی ئه‌مریكا به‌ڵێنی دابوو كه‌ بڕی 2 ملیۆن دۆلار بۆ لێكۆڵینه‌وه‌كان دابین بكات.

سه‌رچاوه‌: ڕادیۆ نه‌وا

کۆدی هه‌واڵنێر: 60103