به‌پێی هه‌واڵی کوردپرێس، میشێل باشیلێ كۆمیسیاری لیژنه‌ی مافه‌كانی مرۆڤی سه‌ر به نه‌ته‌وه یه‌كگرتوووه‌كان له جنێڤ به ڕۆژنامه‌وانانی ڕاگه‌یاندوووه: "ئێمه نیگه‌رانیین به‌رانبه‌ر به ڕه‌وشی پارێزگای دێره‌زور كه تێیدا مه‌ده‌نییه‌كان وه‌ک بارمته به‌كار ده‌هێنن و ده‌كرێنه قوربانیی ململانێكان و له ئێستاشدا له‌و ناوچه‌یه نزیكه‌ی 7 هه‌زار كه‌س دیلی ژێر ده‌ستی داعشن."
ئه‌و به‌رپرسه‌ی نه‌ته‌وه یه‌كگرتوووه‌كان ده‌شڵێت: "زانیاریی ئه‌وه‌مان به ده‌ست گه‌یشتوووه كه چه‌كدارانی ڕێكخراوی داعش ئه‌و كه‌سانه گوللـه‌باران ده‌كه‌ن كه گومانیان لێیان هه‌یه و په‌یوه‌ندییان به هێزه‌كانی سووریای دیموكرات یان لایه‌نه‌كانی‌تره‌وه هه‌بێت."
باشیلێ گوتیشی: "ده‌مانه‌وێت داوا له گرووپه چه‌كداره‌كانی ئۆپۆزسیۆنی سووریا بكه‌ین ڕێوشوێنی پێویست هه‌ڵبنێن بۆ پاراستنی مه‌ده‌نییه‌كان و بردنه‌ده‌ره‌وه‌ی هه‌موو كه‌ره‌سته سه‌ربازییه‌كان و سه‌ربازه‌كان له ناوچه‌كانی جێنیشته‌جێی هاووڵاتییان و ئه‌مه‌ش له‌لایه‌ن یاسای مرۆییی نێوده‌وڵه‌تییه‌وه داوا كراوه. به‌كارهێنانی هێزی سه‌ربازیش له‌لایه‌ن یه‌ک لایه‌نه‌وه ناكرێت بكرێته بیانوو بۆ ڕه‌چاو نه‌كردنی یاسای مرۆییی نێوده‌وڵه‌تی له‌لایه‌ن لایه‌نه‌كانی‌تره‌وه."
سه‌رچاوه: میدیاکانی هه‌رێمی کوردستان
کۆدی هه‌واڵنێر: 60103
Your Comment