بەپێی هەواڵی کوردپرێس، ڕۆژى هە‌ینى، فاتیح یە‌ڵدزى، باڵیۆزى تورکیا لە عێراق، سە‌ردانى شارى کەرکووکى کرد و ئامادە‌ى وڵاتە‌کە‌ى بۆ نۆژە‌ن کردنە‌وە‌ى بازارى قە‌یسە‌رى کەرکووک نیشاندا، کە هە‌فتە‌ى ڕابردووه و بەهۆی ئاگرکە‌وتنە‌وە‌وە تە‌واوى بازاڕە‌کە سووتا.
ئە‌حمە‌د عە‌سکە‌رى، ئە‌ندامى لیستى برایە‌تى لە ئە‌نجومە‌نى پارێزگاى کەرکووک، سە‌ردانە‌کانى باڵیۆزى تورکیا لە عێراق بۆ کەرکووک بە خۆهە‌ڵقورتاندن لە‌کاروبارى شارە‌کە وە‌سف دە‌کات.
ئە‌حمە‌د عە‌سکە‌رى بە‌دە‌نگى ئە‌مە‌ریکاى ڕاگەیاند: "تورکیا خۆى بە خاوە‌نى کەرکووک دە‌زانێت بۆیە هێندە خۆیان لە مە‌سە‌لە‌کانى کەرکووک هە‌ڵدە‌قورتێنن".
یەکەم جار نییە باڵیۆزى تورکیا لە عێراق سە‌ردانى کەرکووک بکات، پێشتریش لە ڕۆژى جە‌ژندا سە‌ردانى ئە‌و شارە‌ى کردووە و شارە‌کە‌ى بە خاکى با و باپیرانى وە‌سف کردووە.
کۆدی هەواڵنێر: 60113
Your Comment