بەشی عێراق و هەرێمی کوردستان- نووسینگەی رۆژنامەوانیی سەرۆکی حکوومەتی ھەرێمی کورستان بڵاوی کردەوە کە لە دیدارەکەدا، لە گەڵ ئۆسکار ڤوستنگەر سەرۆکی بەشی رۆژھەڵاتی ناوەڕاست و باکووری ئەفریقا و باشووری ئەورووپا لە وەزارەتی دەرەوەی نەمسا، گیرۆڵد ڤۆڵمەر باڵیۆزی نەمسا گۆڕانکاریی و پەرەسەندنەکانی عێراق و ناوچەکە و پەرەپێدانی پەیوەندییەکانی نەمسا لەگەڵ عێراق و ھەرێمی کوردستان تاوتوێ کراوە.
راشیگەیاندووە کە سەرۆکی حکوومەتی هەرێمی کوردستان بە پێزانینەوە ئاماژەی بە پەیوەندی دۆستانە و مێژوویی وڵاتی نەمسا لەگەڵ ھەرێمی کوردستان و پشتگیری کردنی ئەو وڵاتە لە خەڵکی کوردستان کردووە.
ئاماژەی بەوەیش داوە، شاندی نەمسا خواستی وڵاتەکەیان بۆ برەودانی زیاتر بە پەیوەندییەکان لەگەڵ ھەرێمی کوردستان بەتایبەتی لە بواری بازرگانی و وەبەرھێناندا دەربڕیووە.
نووسینگەی رۆژنامەوانیی سەرۆکی حکوومەتی ھەرێمی کورستان ئەوەیشی خستووەتە روو، چارەسەرکردنی کێشەی کۆچبەرانی کورد لە ئەورووپا و گرنگیی رێگرتن لە کۆچی نایاسایی، تەوەرێکی گفتوگۆکانی دیدارەکە بووە.
Your Comment