بەپێی هەواڵی کوردپرێس، یان كۆبیچ نێرده‌ی تایبه‌تی نه‌ته‌وه‌یه‌كگرتوه‌كان بۆ عیراق دوای كۆبوونه‌وه‌یێكی له‌گه‌ڵ ئایه‌توڵڵا عه‌لی سیستانی مه‌رجه‌عی باڵای شیعه‌كانی عێراق، له كۆنفرانسێكی رۆژنامه‌وانیدا رایگه‌یاند: له كۆبوونه‌وه‌كه‌دا دوایین پێشھاته‌كانی عێراق تاوتوێ كراوه و ئایەتوڵڵا سیستانی جه‌ختی له گرنگیی پێكھێنانی كابینه‌ی نوێی حكوومه‌ت كردوه‌ته‌وه له پێناو پێشكه‌ش كردنی باشترین خزمه‌تگوزاری به عێراقییه‌كان و داواشی كردووه وڵاتان ده‌ست له كاروباری عێراق وه‌رنه‌ده‌ن و رێز له سه‌روه‌ریی وڵاته‌كه بگرن.
ھه‌روه‌ھا ئاماژه‌ی بۆ ئه‌وه كردووه پێویسته عێراق سه‌رچاوه‌ی سه‌قامگیری بێت نهک گۆره‌پانی ململانێ ھه‌رێمی و نێو ده‌وڵه‌تییه‌كان.
ئه‌وه له‌كاتێكدایه به‌ھۆی كۆتاییھاتنی ئه‌ركه‌كانی، نێرده‌ی نه‌ته‌وه یه‌كگرتوه‌كان له عێراق به‌جیا سه‌ردانی عادل عه‌بدولمه‌ھدی سه‌رۆک وه‌زیرانی عێراق و موقته‌دا سه‌در رابه‌ری ره‌وتی سه‌درو عه‌مار حه‌كیم سه‌رۆكی ره‌وتی حیكمه‌ی كرد و پێكھێنانی كابینه‌ی نوێی عێراق تاوتوێ كرا.
سەرچاوە: ماڵپەڕی فەرمیی یەکێتی
کۆدی هەواڵنێر: 60113
Your Comment