بەپێی هەواڵی کودپرێس، ئەمەل جەلال، سەرۆکی دەستەی گشتیی گەشتوگوزاری هەرێمی کوردستان ئاماری گەشتیارانی بۆ هەرێم لەماوەی 11 مانگی ڕابردوو بڵاو کردەوە و ئاماژە بەوەدراوە، لە ماوەی 11 مانگدا زیاتر لە چوار ملیۆن گەشتیار چوونەتە هەرێمی کوردستان.

ناوبراو لەوبارەیەوە ڕاشیگەیاند: "دەمانەوێت سەرەتای ساڵی 2022 بکەینە ساڵی خۆشی و پێکەوەژیان بۆ گەشتیاران و هاونیشتمانیان، دەمانەوێت کەشێکی وا بێنینە ئاراوە کە گەشتیار وا هەست بکات لە ماڵی خۆیەتی، بۆ ئەمەش پێویستمان بە برایانی پۆلیس، ئاسایش و تیمەکانی تەندروستییە هاوکارمان بن".

ئاماری گەشتیارانیش بەمشێوەیەیە:

پارێزگای هەولێر: یەک ملیۆن و 957 هەزار گەشتیار، کە دەکاتە 48٪.

پارێزگاکانی سلێمانی و هەڵەبجە: یەک ملیۆن و 375 هەزار و 216 گەشتیار، کە دەکاتە 34٪.

پارێزگای دهۆک: 753 هەزار و 542 گەشتیار، کە دەکاتە 18٪.

ئیدارەی گەرمیان: هەشت هەزار و 130 گەشتیار، کە دەکاتە 0,19٪.

کۆی گشتی: چوار ملیۆن و 93 هەزار و 888 گەشتیار.