بەپێی هەواڵی کوردپرێس، شانەی راگەیاندنی ئەمنیی عێراق لە راگەیەندراوێکدا بڵاویكرده‌وه‌، له‌ دوێنێوه‌ هێزی ئاسمانی لە سنووری پارێزگای دیالە 14 جار لەسەر یەک هێرشیان کردوتە سەر بنکە و حەشارگەکانی چەکدارانی داعش، لە ئەشکەوتەکانی زنجیرە چیای حەمرین.

ئاماژه‌ی به‌وه‌ش كردووه‌، هێرشەکان لە رێگەی فڕۆکە جەنگییەکانی ئێڵ 159 و ئێف 16 ئەنجامدراون، بۆ پشتیوانی هێزی پیادەی فەرماندەیی ئۆپەراسیۆنەکانی دیالە بووە.

چه‌كدارانی داعش ماوه‌ی زیاتر له‌ مانگێكه‌ جموجوڵه‌كانیان ده‌ستپێكردوه‌ته‌وه‌ و ئۆپه‌راسیۆنه‌كانی هێزه‌ عێراقییه‌كان و پێشمه‌رگه‌ش دژی ئه‌و رێكخراوه‌ به‌ چڕی به‌ڕێوه‌ده‌چێت.