بەپێی هەواڵی کوردپرێس، عیماد ئه‌حمه‌د ئه‌ندامى مه‌کته‌بى سیاسی یه‌کێتى ڕایگه‌یاند، هه‌رچه‌نده له‌کۆبوونه‌وه‌یان له‌گه‌ڵ پارتى ڕۆنه‌چوونه‌ته ناو ورده‌کارى کێشه‌کانه‌وه، به‌ڵام سه‌باره‌ت به‌کێشه‌کانى هه‌رێم یه‌کێتى له‌گه‌ڵ چاره‌سه‌رى کێشه‌کاندایه و ده‌یه‌وێت کێشه‌کانى هاوڵاتیان چاره‌سه‌ر بکرێت و پشتیوانى له‌به‌رنامه‌ى گشتگیریى حکوومه‌تیش ده‌کات.
ئه‌و ئەندام مه‌کته‌ب سیاسییه‌ى یه‌کێتى ده‌شڵێت: "ناکرێت لایه‌ک بڵێت به‌شى خۆم بۆخۆم و به‌شى تۆش ده‌خۆم، به‌پێویستى ده‌زانین داهات به دادپه‌روه‌رانه دابه‌ش بکرێته‌وه".
عیماد ئه‌حمه‌د ئه‌وه‌شى وت: "تائێستا پارتى و یه‌کێتى له‌سه‌ر یه‌کلایکردنه‌وه‌ى پۆسته‌کانى به‌غدا ڕێکنه‌که‌وتوون، پێویسته ئه‌گه‌ر هه‌ردوولا شاندى هاوبه‌شیان دروست کرد، جگه له‌به‌رنامه‌ى شانده‌که بۆ گفتوگۆ له‌گه‌ڵ لایه‌نه‌کان، ڕێکه‌وتن له‌سه‌ر پۆسته‌کانیش بکرێت".
Your Comment