بەپێی هەواڵی کوردپرێس، به‌وته‌ی سه‌رچاوه‌یه‌کی ئه‌منی، ژماره‌یه‌ک له چه‌کدارانی داعش هێرشیان کردوه‌ته سه‌ر خاڵێکی هێزه‌کانی سوپای عێراق له سنووری زنجیره چیای حه‌مرین له باکووری رۆژهه‌ڵاتی دیاله، له‌ئه‌نجامیشدا شه‌ڕ و پێکدادان له‌نێوان هه‌ردوولا روویداوه.
ئه‌و سه‌رچاوه‌یه باسی له‌وه‌ش کرد، له‌ئه‌نجامی رووبه‌ڕووبوونه‌وه‌ی نێوان هێزه‌کانی سوپای عێراق و چه‌کدارانی داعش، سه‌ربازێکی سوپا کوژراوه و دوانی دیکه‌ش برینداربوون، یه‌کێک له برینداره‌کانیش دۆخی ته‌ندروستی ناجێگیره.
ئه‌وه‌شی روونکرده‌وه، هێزێکی ئه‌منی زۆر گه‌یشتوونه‌ته شوێنی رووداوه‌که و لێکۆڵینه‌وه و گه‌ڕانیان به‌دوای شانه نووستووه‌کانی داعش ده‌ستپێکردووه.
Your Comment