کوردپرێس:

مستەفا شەنتوپ سەرۆکی پەرلەمانی تورکیا و محەمەد باقر قاڵیباف هاوتای ناوبراو، لە پەراوێزی خولی چل و شەشەمی دانیشتنی لیژنەی جێبەجێکاری یەکێتیی بەینولمەجالیسی وڵاتانی ئەندامی ڕێکخراوی هاوکاریی ئیسلامی لە شاری ئەستەمبوڵی تورکیا دیدار و گفتوگۆیان کرد.

ئاژانسی ئانادۆڵۆ لەو بارەیەوە ڕایگەیاند مستەفا شەنتوپ خۆشحاڵیی دەبڕیوە لەوەی میوانداریی قاڵیباف و شاندی یاوەری کردووە لە ئەستەمبوڵ و ئەوەشی گوتووە کە بە بڕوای ناوبراو گفتوگۆکان لەو پلەتفۆرمەدا ئەنجام دەبێت و کاریگەریی دەبێت لە دەستنیشان کردنی ڕوانگەی هاوبەش لەبارەی تەوەرە هەرێمی و جیهانییەکانەوە.

لای خۆیەوە سەرۆکی پەرلەمانی ئێرانیش جەختی کردەوە: پشت بە خوا لەم قۆناغەی داهاتوودا بە هاوکاریی هەر دوو لا کار دەکرێت بۆ کێشەی وڵاتانی ئیسلامی و چارەسەرکردنی کێشەکان.