کوردپرێس:

مه‌حموود محه‌مه‌د وته‌بێژى پارتى له‌كۆنگره‌یێكى ڕۆژنامه‌وانیدا به‌بۆنه‌ى كۆچى دوایی عوسمان ئۆجه‌لان براى عه‌بدوڵڵا ئۆجه‌لان ڕایگه‌یاند، "ئه‌و به‌شێكى زۆرى ژیانى خۆى ته‌رخان كرد بۆ كوردایه‌تى به‌رگرى له‌مافه‌ ڕه‌واكانى خه‌ڵكى كوردستان".

ده‌شڵێت:"عوسمان ئۆجه‌لان تا ئه‌وه‌نده‌ى توانیی له‌ناو حزبێكدا خه‌بات ‌و تێكۆشانى خۆى به‌رده‌وام كرد، دواى ئه‌وه‌ى كه‌ زانیی له‌و حزبه‌دا ناتوانێت مه‌رام‌ و ئه‌و ڕێچكه‌یه‌ى ئه‌و ده‌یویست خه‌ڵكى كوردستان به‌مافه‌ ڕه‌واكانى خۆى بگات، وازى له‌و حزبه‌ هێنا و دوور كه‌وته‌وه‌، به‌ڵام وازى له‌سیاسه‌ت كردن نه‌هێنا".

عوسمان ئۆجەلان لەنێو پارتی کرێکارانی کوردستان PKK، بە (فەرهاد ئوجەلان) ناسرابوو، ساڵی 2004 لەگەڵ ژمارەیێک ئەندامی دیکەی سەرکردایەتیدا لە PKK جیابووەوە، پارتی وڵاتپارێزی دیموکراتی PWDیان دامەزراند.