کوردپرێس:

سەرچاوەیێکی ئاگادار لە شاری هەجین هەڵکەوتوو لە 110 کیلۆمەتریی خۆرهەڵاتی دەیرەزوور بە میدیاکانی باکووری سووریای گوتووە بە هۆی تەقینەوەی بۆمبێکەوە کە لە سەر جادەی سەرەکیی بازاڕی شارەکە چێندرابوو دوو ئەندامی ئاسایش گیانیان لە دەست دا و کەسێکی مەدەنی بریندار بوو.

سەرچاوەکە گوتوویەتی ئەو کەسە مەدەنییە لە دەوروبەری تەقینەوەکە بووە و دوو ئەندامەکەی ئاسایشیش پاش تەواوبوونی دەوامیان بە سەر ماتۆڕێکەوە بەرەو ماڵی خۆیان دەڕۆشتن کە کرانە ئامانج.